Ulan-Batorda “Made in Uzbekistan” ko'rgazmasi: O'zbekiston mahsulotlari Mo'g'uliston bozorida
Mo'g'ulistonning poytaxti Ulan-Bator shahrida “Made in Uzbekistan” shourum-ko'rgazmasi va milliy savdo uyi ochildi.
Ko'rgazmani O'zbekiston Bosh vazirining o'rinbosari Jamshid Xodjayev va Mo'g'uliston Bosh vazirining o'rinbosari Saynbuyangiyn Amarsayxan tantanali ravishda ochib berishdi.
1 053 kv.m. maydonda tashkil etilgan ko'rgazmada O'zbekistonning to'qimachilik, qishloq xo'jaligi, charm-poyabzal, qurilish materiallari, elektrotexnika, mebel, farmatsevtika, avtomobilsozlik va tog'-kon sanoatida ishlab chiqarilgan mahsulotlari namoyish etilmoqda.
Mazkur savdo uyi ikki davlat o'rtasidagi savdo-iqtisodiy aloqalarni yana-da mustahkamlash va O'zbekiston mahsulotlarini yangi bozorlarga olib chiqishga xizmat qiladi.
