Электрон савдо платформасиUzbMarket — Ўзбекистон маҳсулотларини ички ва ташқи бозорга олиб чиқиш учун B2B платформа. Ишлаб чиқарувчи ва экспортчилар бу ерда маҳсулот жойлайди, харидорлар қидиради ва буюртма беради, юридик, божхона, логистика, сертификатлаш, бухгалтерия ва меҳмонхона хизматлари ҳам шу ерда таклиф қилинади.
uzbmarket.uz сайтига ўтишСотувчи маҳсулотларини каталогга жойлайди: расм ва видео, нарх, минимал буюртма ва ўлчов бирлиги билан. Ҳар бир эълон модератордан ўтгач очиқ каталогда кўринади.
Харидор маҳсулот, компания ва хизматларни битта қидирув орқали топади, сотувчи билан чатда гаплашади, буюртма ёки намуна сўрайди, тендер эълон қилади.
Хизмат кўрсатувчилар — юристлар, божхона декларантлари, логистлар, сертификатлаш ва бухгалтерия компаниялари, меҳмонхоналар — эълон жойлаб, мурожаатларни қабул қилади.
Рўйхатдан ўтгач ролингизни танлайсиз — ҳар бир ролнинг ўз кабинети бор. Ўзингиз учта ролдан бирини танлайсиз: Сотувчи, Харидор ёки Хизмат кўрсатувчи.
Ишлаб чиқарувчи, экспортчи ва улгуржи савдо корхоналари
Импорт қилувчи, улгуржи харидор ва Ўзбекистон маҳсулотларига қизиқувчи корхоналар
Экспорт ва савдога хизмат кўрсатувчи компаниялар ва мутахассислар
Хизмат кўрсатувчи рўйхатдан ўтишда йўналишини танлайди ва кейин уни ўзи ўзгартира олади.
Ишлар, консултациялар ва суд ишлари бўлимлари; юридик хизмат эълонлари.
Декларант ва брокер хизматлари эълонлари; платформада расмий божхона брокерлари рўйхати ҳам бор.
Юклар ва машиналар эълонлари доскаси: юк эгалари ва ташувчилар бир-бирини топади.
Сертификатлаш хизматлари эълонлари ва мижозлар мурожаатлари.
Бухгалтерия хизматлари эълонлари ва мижозлар мурожаатлари.
Хоналар, бронлар ва календар; бизнес меҳмонлари учун келишилган чегирма; ўз брон тизимини API орқали улаш.
Модераторлар корхоналар, маҳсулотлар, хизмат эълонлари ва постларни текширади, шикоятларни кўриб чиқади. Бу рол рўйхатдан ўтишда танланмайди — уни платформа жамоаси беради. Термиз омбори ва Афғонистондаги курер ҳам платформа берган алоҳида ходим роллари билан ишлайди.
Рўйхатдан ўтиш бепул ва бир неча дақиқа олади. Сайтда ҳам, иловада ҳам босқичлар бир хил.
App Store ёки Google Play'дан UzbMarket иловасини ўрнатинг ёки uzbmarket.uz сайтида «Рўйхатдан ўтиш» тугмасини босинг.
Давлатни танлаб рақамингизни (ёки эмаилни) киритинг ва фойдаланиш шартларини қабул қилинг.
6 рақамли код келади: Ўзбекистон рақамларига SMS ёки Telegram орқали, хорижий рақамларга WhatsApp ёки Telegram орқали, эмаилга — почта орқали.
Камида 8 белгидан иборат парол танланг — кейин рақам (ёки email) ва парол билан кирасиз.
Сотувчи, Харидор ёки Хизмат кўрсатувчи. Хизмат кўрсатувчи йўналишини ҳам танлайди: юридик, декларант, логистика, сертификатлаш, бухгалтерия ёки меҳмонхона.
Профилда корхонанинг 9 рақамли СТИР рақамини киритинг — номи, манзили ва бошқа маълумотлар давлат реестридан (orginfo.uz) автоматик тўлдирилади. Реестрда фаол корхона дарҳол тасдиқланади, қолганларини модератор кўриб чиқади.
Маҳсулот қўшиш уч босқичли шакл орқали бажарилади: Сотувчи кабинети → Маҳсулотлар → «Маҳсулот қўшиш».
Номи (каталогдан автоматик таклиф қилинади), категория ва маҳсулот тури, келиб чиқиши (Ўзбекистонда ишлаб чиқарилган ёки хорижий), нарх — долларда, сўмда ёки «келишилади», нарх қайси миқдор учунлиги, минимал буюртма ва ўлчов бирлиги (дона, кг, тонна, литр, м², контейнер ва бошқалар).
Камида 1 та, кўпи билан 15 та расм (ҳар бири 50 MB гача) ва 5 тагача видео (100 MB гача).
Хусусиятлар, батафсил тавсиф (сунъий интеллект ёрдамида тўлдириш тугмаси бор), вариантлар, намуна ва унинг нархи, Афғонистон чакана савдоси учун дона нархи.
Янги маҳсулот модератор тасдиқлагач каталогда чиқади. Номи, нархи, категорияси ёки расмлари ўзгартирилса, қайта текширилади; рад этилган маҳсулотни тузатиб қайта юбориш мумкин.
Маҳсулотни қидирув ёки категориялар орқали топинг; саҳифасида нарх калкулятори, вариантлар ва сотувчи маълумотлари бор.
Сотувчига чатда ёзинг ёки буюртма шаклини тўлдиринг: миқдор, экспорт учун — порт, Incoterms ва тўлов шарти, ички етказиш учун — ҳудуд.
Саватдан расмийлаштирганда ҳар бир сотувчига буюртма сўрови боради ва тижорат таклифи шаклланади — уни қабул қиласиз ёки рад этасиз.
B2B буюртмалар бўйича тўлов ва етказиш шартлари сотувчи билан харидор ўртасида келишилади.
Маҳсулот, компания ва хизматлар битта қидирувда; лотин ва кирилл бир хил ишлайди, хато ёзилса ҳам топади.
Саноат тармоқлари, 200 дан ортиқ бўлим ва 1 700 га яқин намунавий маҳсулот.
Харидор, сотувчи ва хизмат кўрсатувчилар ўртасида ёзишма, файл ва расм алмашиш, пуш-билдиришномалар.
Сотувчи ўз маҳсулотларидан ТН ВЕД кодлари билан тижорат таклифини тузади ва PDF қилиб юборади.
Харидор тендер эълон қилади, сотувчилар ўз таклифларини беради.
Хорижий импорт қилувчи компаниялар базаси ва харидорларнинг «Ўзбекистондан нима керак» сўровлари.
Қайси давлат нимани импорт қилади: UN Comtrade маълумотлари, маҳсулот ва давлат бўйича таҳлил.
ТН ВЕД коди бўйича божхона тўловлари калкулятори ва Asaxiy Invest билан молиялаштириш калкулятори.
Сунъий интеллект ёрдамчиси саволларга жавоб беради ва маҳсулот-давлат бўйича бозор ҳисоботини PDF кўринишида (ўзбек, рус, инглиз) тайёрлайди.
«Юклар» ва «Машиналар» бўлимлари: юк эгалари ва ташувчилар эълонлари.
Бизнес сафарлар учун ҳамкор меҳмонхоналарда келишилган чегирма билан брон.
Ўзбекистон ва хориждаги савдо кўргазмалари рўйхати ва эслатмалар.
Республика товар-хомашё биржаси ярмаркасидаги таклифлар платформада.
Рўйхатдан ўтган корхоналар ҳудудлар бўйича харитада.
Дона-дона буюртмалар: сотувчи Термиз омборига жўнатади, курер Афғонистонда етказади, харидор олиб кетиш пунктидан олади.
Корхонанинг ижтимоий саҳифаси: постлар ва видеолар, лайк, изоҳ ва обуначилар.
@uzb_marketbot — платформага Telegram ичидан кириш (Mini App) ва кириш кодлари.
Ўзбек (лотин ва кирилл), рус, инглиз, хитой ва дари тилларида.
Пуллик имкониятлар RAY билан тўланади: 1 RAY = 1 000 сўм, ҳисоб банк картаси орқали тўлдирилади. RAY билан маҳсулот ва бозор таҳлилини очиш, брокер ёки юк эгасининг контактини кўриш, Бозор, Таҳлил ёки Premium бўлимларига бир ойлик обуна олиш мумкин. Рўйхатдан ўтиш, маҳсулот жойлаш, қидирув ва чат — бепул.
Йўқ. Рўйхатдан ўтиш, маҳсулот жойлаш, қидирув ва чат бепул. Таҳлил ва айрим контактларни очиш каби қўшимча имкониятлар RAY билан тўланади.
Модератор текшириб тасдиқлагандан сўнг. Номи, нархи, категорияси ёки расмлари ўзгарса, маҳсулот қайта текширувга тушади.
Ҳа. СТИР ўрнига ўз давлатингиздаги рўйхат рақамини киритасиз; тасдиқлаш коди хорижий рақамга WhatsApp ёки Telegram орқали келади.
Рўйхатдан ўтгандан кейинги биринчи соат ичида ўзингиз алмаштира оласиз, кейин — платформа маъмурияти орқали. Хизмат кўрсатувчи ўз йўналишини исталган вақтда ўзгартиради.
Буюртма ва тижорат таклифлари платформада расмийлаштирилади, тўлов эса сотувчи ва харидор келишувига кўра амалга оширилади. RAY ҳисоби банк картаси орқали тўлдирилади.
iPhone (App Store) ва Android (Google Play) учун илова бор; компютерда uzbmarket.uz сайти орқали ишлайсиз.
Телефонингизга ўрнатинг ёки компютерда uzbmarket.uz сайтини очинг. QR кодни телефон камераси билан сканерланг — қурилмангизга мос дўкон очилади.
uzbmarket.uz сайтига ўтиш
Маълумотлар платформанинг жорий версияси бўйича келтирилган; нархлар ва шартлар UzbMarket'да ўзгариши мумкин.
